TREE PROJECT

WHOEVER PLANTS A TREE, PLANTS HOPE.

مثل الموسيقى والفن، حب الطبيعة هي لغة مشتركة يمكن أن تتجاوز الحدود السياسية والإجتماعية. جيمي كارتر

كلنا بنحلم نعيش في مكان أحلى. وبنحلم نلون مصر علي الخريطة باللون الأخضر، فبالتالي احنا مؤمنين ان كل واحد فينا عليه دور كبير في مواجهه التلوث اللي بيزيد كل يوم وبيهدد صحتنا وحياتنا، وده كان السبب الرئيسي اننا نبدأ مشروع الشجر بالتعاون مع كل جمهورنا والناس اللي بتحبنا

 

أيه هي أهداف مشروع الشجر من دونها !؟ 

- هدفنا الأكبر هو زراعة ٢٠٠.٠٠٠ شجرة كخطوة أولي في المشروع ونتمني نقدر نحقق الهدف دة خلال ٢٠٢٠.

- نشر ثقافة زراعة الشجر المثمر بشكل عام في شوارع وميادين وبلكونات وأسطح مصر

- نقوم بدورنا في حماية البيئة من التلوث.

 

طريقة تنفيذ المشروع !؟
احنا قررنا نقدم ٥ بذور هدية مع كل Adventure Notebook بتتاع من دونها كخطوة أولى علشان نخليك قادر انك تشاركنا بزرع شجر في الأماكن المفضلة ليك خلال سفرك أو رحلاتك أو أجازاتك، وبكدة هنكون ساعدنا انكوا تسييوا ذكريات توقيعكم في الأماكن اللي بتحبوها 
وكمان ساعدنا في ان انتوا تقوموا بدور ولو بسيط في حماية البيئة وتشجير بلدنا بأشجار مثمرة.

 

دونها كمان بتفتح الباب لأي تعاون ومشاركة من أفراد ومؤسسات علشان نكبر مشروع الشجر وميكونش بس مقتصر علي دونها وجمهورها
فبنتمني لو أي حد عنده فكرة مثمرة تساعدنا في تعميم ونشر المشروع انه يبعتلنا ويشاركنا أفكاره ودونها دايماً بتمد ايديها لأي مبادرة هدفها الخير والتنمية لبلدنا. 

أختارنا في دونها شجر الليمون بالذات علشان بتمتاز أشجاره بالرائحة الطيبة و الأوراق الخضراء الزاهية وكمان ثمارة مهمة جدا ومنقدرش نستغنى عننا وكمان علشان تعدد أنواع التربة اللي ممكن زراعته فيها وده هيسهل علينا زراعة البذور والحصول علي نبته صحية وجميلة في مختلف الأماكن والبيئات.

 

 

طريقة زراعة البذور داخل المنزل
١- يتم غسل البذور في كوب من الماء
٢- يتم وضع البذور متفرقين علي نصف منديل ونقوم بطي النصف الأخر لتغطيتها
٣- يتم وضع المنديل مفرود في علبه بلاستيكية ثم نقوم ببله ببعض نقاط من الماء
٤- يتم تخزين العلبة البلاستيك لمدة ١٥ يوم مع مراعاة بل المنديل ببعض نقاط الماء بعد ٥ أيام
٥- بعد مرور ١٥ يوم نقوم بفتح المنديل وأخذ البذور برفق ووضعها في إناء زراعه في حفره صغيره من التربة
٦- الاعتناء بالزرع ووضعه في مكان به شمس وريه كل ثلاثة أيام
٧- بعد نمو الشتلات بشكل ملحوظ نقول بنقلها الي الأرض التي ستزرع فيها

 

 

طريقة زراعة البذور خارج المنزل
١- يتم اختيار موقع جيد للزراعة تصله الشمس بشكل جيد
٢- يتم حفر ٢٥ سم في التربة الزراعية ووضع البذور وتغطيها جيدا.
٣- يتم ري مكان الزراعة جيدا بالماء بعد وضع البذور
٤- يمكن وضع بعض القش أو الحصى علي مكان الزراعة بعد ري التربة

إشترك معانا في جروب دونها علي الفايسبوك

شاركنا بتجربتك وابعت لنا الأماكن اللي زرعت فيها بذورك وصورها علشان نتابع معاكوا تقدم المشروع لحد ما نوصل لهدفنا

 

 

لو كنت صاحب مشروع بيخدم المجتمع أو عندك فكرة مميزة تفيد البيئة شاركنا أفكارك وهنتواصل معاك لو عندنا في دونها إمكانية للمشاركة أو التنفيذ. 

info@dawenha.com

 

 

MENU

FOLLOW US

BE THE FIRST TO KNOW

Sign up to get exclusive offers & more. You can unsubscribe at any time.

CONTACT US

HEADOFFICE

29 Donside Drive, Toronto, ON, Canada (M1L-1P5)

+1 647-540-8467  / +1 647-581-1317​

 

EGYPT OFFICE
11 Kafr Saqr St., Camp ceaser, Alexandria

+20 100 3177928


-------                 

dawenha@gmail.com 

info@dawenha.com

Copyright © 2018 DAWENHA Designs Agency and All Rights Reserved